(INFOSOT) - Tregjet bankare në botë vazhdojnë të përballen me rënie drastike, duke shënuar kështu humbje të mëdha financiare e që për pasojë kanë sjell recesion në ekoniminë e vendeve më të zhvilluara. Por, për fat të mirë, Kosova që deri më tani përballet me një mori sfidash sa i përket zhvillimit ekonomik, nuk është prekur nga ky proces tejet negativ. BNP Paribas ka marrë çmimin “Banka Globale e vitit 2008” për menaxhimin e sfidave të krizës financiare me dituri, guxim dhe ekspertizë, nga Revista për banka komerciale “The Banker”, pjesë e së cilës është TEB Bank. Deri më tash, TEB ka lëshuar kredi në vlerë prej 30 milionë euro. TEB vazhdon t’i sjell tregut produkte të reja. Tani nuk keni nevojë më të mbani para në xhepat tuaj kur të shkoni në vikend apo shoping, për të blerë çkado që të doni, sepse tashmë TEB ua sjell Starcard me të cilën mund të bleni gjithçka që dëshironi me këste, pa paguar kamatë dhe atë në mbi 350 pika shitëse në tërë vendin. Për këto dhe shërbime tjera flet ekskluzivisht për INFOSOT, zëvendësdrejtori i përgjithshëm i TEB Bank, Dukagjin Shylemaja.

(INFOSOT) - Qemajl Mustafa kishte ndryshuar shumë në raport me mediat. Sa ishte në opozitë bashkëpunonte shkëlqyeshëm me mediat, ndërsa tash nervozohej shumë me pyetjet insistuese të INFOSOT. Herë-herë fliste me ton të lartë në shenjë nervoze. Nuk mërzitej fort pse nuk vjen me kohë në punë. E pranoi se se ka dështuar në zgjidhjen e problemit të kanalizimeve që derdhen në lumin Mirusha. Premtoi se në vitin 2010 nuk do të vie era kanalizim në Gjilan. Ishte i bindur se ka bërë punë të mirë në parkun e qytetit. Për fabrikën e bananeve që është duke  u ndërtuar në Gjilan tha se është aksionar me rreth 20%. E pranoi se shtëpinë që e ka në Prishtinë nuk ka leje ndërtimi, por tha se nëse ligji thotë se duhet të rrënohet do t’i pres rrënuesit me petulla. Për disa individ që janë në kryesinë e PDK tha që ende mendon se ju ka ndalur ora para vitit 1999, por nuk e pranoi se PDK është përçarë shumë. Edhe pse i ka shkruar gazetarit Asdren Agushi mesazh kërcënues, shantazhues e ofendues, nuk i kishte rënë pishman fare, ngase u arsyetua se ai ka qenë mesazh privat. Kryetari i Komunës së Gjilanit, Qemajl Mustafa, për të gjitha këto çështje foli ekskluzivisht për INFOSOT.

(INFOSOT) - I ulur në një karrige dhe për asnjë moment duke mos lënë kohën ti ik, ai numëron çdo sekond të kohes për ta shfrytëzuar atë maksimalisht. Ky mund të jetë profili më i shkurt i mundshëm për njeriun që përkundër moshës së re, ai lirshëm është njëri nga njerëzit më të suksesshëm në Kosovë. Nga një emër që dikur ka qenë vetëm shkollë për kompjuter, tani kjo kompani operatori i dytë në vend, "Ipko" për një kohë të shkurt ka arritur që t’i ketë mbi 250 mijë abonent aktiv në telefoninë mobile që u jep mundësinë që të qasen me biseda më të lira në telefoninë mobile. Premton se brenda 6 muajve nuk do të ketë asnjë pjesë të Kosovës që nuk do të ketë mbulueshmëri, Akan Ismaili ka shpalosur planet e tanishme dhe ato që deri më tani nuk janë të njohura për publikun.